“AZƏRBAYCANFİLM” KİNOREJİSSORLAR GİLDİYASI İLƏ BİRLİKDƏ İTV-Nİ MƏHKƏMƏYƏ VERİB

Dünən (14 yanvar) Bakı 1 saylı Yerli İqtisad Məhkəməsində hakim Tahirə Əsədovanın sədrliyi ilə “Azərbaycanfilm” Kinostudiyası və Professional Kinorejissorlar Gildiyasının birlikdə “İctimai” Televiziya və Radio yayımları Şirkətinə qarşı qaldırdığı iddia üzrə məhkəmə hazırlıq iclası keçirilib.

Bu barədə RATİ-yə Kinorejissorlar Gildiyasının vəkili Əkbər Bağırov məlumat verdi: ”İctimai” televiziyanı məhkəməyə verməyimizə  “Azərbaycanfilm” və Kinorejissorlar Gildiyası ilə müqavilə imzalanmadan, qonorar ödənilmədən telekanalda  Azərbaycan filmlərinin əksəriyyətinin nümayiş etdirilməsi səbəb olub. Məhkəmə hazırlıq iclasında “Azərbaycanfilm” və Kinorejissorlar Gildiyası olaraq biz həmin müddət ərzində göstərilmiş filmlər üçün nəzərdə tutulan qonorar ödənilmədən və müqavilə bağlanmadan yenidən həmin filmlərin nümayiş etdirilməsinin qadağan olunmasını tələb etdik”. Vəkilin sözlərinə görə, iddiaçı  tərəf dəymiş ziyana görə, “İctimai” televiziyadan xeyli miqdarda pul tələb edir. Məhkəmə baxışı yanvar ayının 28-i saat 11:00-a təyin olunub.
“İctimai” Televiziya və Radio Yayımları Şirkətinin ictimaiyyətlə əlaqələr şöbəsinin rəhbəri Tahir Məmmədov isə RATİ-yə bildirdi ki, film nümayişi sahəsində İTV-nin heç bir qanunazidd fəaliyyət göstərməyib: ”İctimai” televiziyanın efirində heç vaxt lisenziyası olmayan filmlər yayımlanmır. Azərbaycan filmlərinə gəldikdə isə,  “Azərbaycanfilm” və Kinorejissorlar Gildiyası ilə müqavilə imzalamaq üçün dəfələrlə müraciət etməyimizə baxmayaraq, onlar müqavilə imzalamaqdan imtina ediblər”.
Previous Post

APELLYASİYA MƏHKƏMƏSİ ANS-İN İDDİASINI TƏMİN ETMƏDİ

Next Post

JURNALİSTLƏR DÖVLƏT HESABINA VƏKİLLƏ TƏMİN EDİLMƏDİLƏR

Leave a Reply

Your email address will not be published.

Start typing to see posts you are looking for.