Bu gün (22 fevral) Reportyorların Azadlıq və Təhlükəsizlik İnstitutunun (RATİ) mətbuat mərkəzində Güney Azərbaycan Milli Oyanış Hərəkatının (GAMOH) Bakı bürosunun rəhbəri Ağrı Qaradağlı Beynəlxalq Ana Dili Günü münasibətilə dəyirmi masa keçirib.
O, çıxışında Cənubi Azərbaycandakı 35 milyonluq soydaşımızın hüquqlarının pozulmasına da toxunub və bildirib ki, azərbaycanlılar İranda öz ana dillərində təhsil almaq hüququndan məhrum edilibdir. Bunu Azərbaycan dilinə və mədinnəytinə qarşı soyqırım hesab edən A. Qaradağlı İran Konstitusiyasında azərbaycanlıların öz dillərində təhsil ala bilməsi ilə bağlı maddə olduğunu, lakin buna əməl edilmədiyini bildirdi. O həmçinin İranda Azərbaycan dilində qəzet və jurnalların da nəşrinin qadağan edildiyini və beləliklə də azərbaycanlıların öz dillərdən uzaqlaşdırılması siyasətinin yürüdüldüyünü bildirdi.
Dəyirmi masada çıxış edənlər İran hakimiyyətinin azərbaycanlılara qarşı mövqeyinin beynəlxalq hüquqa zidd olduğunu bildiriblər.
Dəyirmi masada çıxış edənlər İran hakimiyyətinin azərbaycanlılara qarşı mövqeyinin beynəlxalq hüquqa zidd olduğunu bildiriblər.