“Xural” qəzetinin baş redaktoru Əvəz Zeynallı “Azərbaycan” Nəşriyyatının direktoru Ağabəy Əsgərov tərəfindən növbəti dəfə məhkəməyə verildi.
Bu haqda RATİ-yə məlumat verən baş redaktorun sözlərinə görə məhkəməyə səbəb qəzetdə gedən məqalələr olub. Belə ki, qəzetin 20-26 yanvar 2008-ci il tarixində “Mətbuat düşməni Ağabəy Əsgərov” və 2-15fevral 2008-ci il tarixli sayında “Ağabəy Əsgərov Apellyasiya məhkəməsinə təzyiq göstərir” başlıqlı məqalələr dərc olunub. A.Əsgərov iddia ərizəsində baş redaktor haqqında Cinayət Məcəlləsinin 147.1 (böhtan), 147.2 (təhqir) maddəsi ilə cinayət işinin aşılmasını istəyib.