Bu gün (24 dekabr) Ali Məhkəmədə hakim Vafəddin İbayevin sədrliyi ilə “Yüksəliş naminə” qəzetinin müxbiri Elçin Həsənovun kassasiya şikayətinə baxılıb.
Bu barədə Reportyorların Azadlıq və Təhlükəsizlik İnstitutuna məlumat verən Elçin Həsənov bildirdi ki, hakim kassasiya şikayətini təmin edərək, 9-cu polis bölməsinə və Maliyyə Nazirliyinə qarşı iddia üzrə işin baxılması üçün yenidən Səbail rayon məhkəməsinə göndərilməsi barədə qərar çıxarıb.
Xatırladaq ki, E.Həsənov 23 noyabr 2006-cı ildə qanunsuz həbs olunması ilə bağlı 9-cu polis bölməsinə və Maliyyə Nazirliyinə qarşı iddiası bütün instansiyalarda təmin olunmadığı üçün, işə yenidən baxılması barədə kassasiya şikayəti vermişdi.
Xatırladaq ki, E.Həsənov 23 noyabr 2006-cı ildə qanunsuz həbs olunması ilə bağlı 9-cu polis bölməsinə və Maliyyə Nazirliyinə qarşı iddiası bütün instansiyalarda təmin olunmadığı üçün, işə yenidən baxılması barədə kassasiya şikayəti vermişdi.