Norveç səfirliyinin birinci katibi Riçard Skarboro 12 saylı cəzaçəkmə müəssisəsində cəza çəkən “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevə görüşüb.
Bu haqda RATİ-yə Skarboronun özü məlumat verib. Onun sözlərinə görə, təxminən iki saat çəkən görüş ayrıca otaqda keçirilib. “Eynulla Fətullayev görüş zamanı heç bir şikayətinin olmadığını, azad olunası üçün yalnız Avropa Məhkəməsinə ümid olduğunu söylədi. Habelə, beynəlxalq təşkilatlardan onun işini diqqətdə saxlamalarını xahiş etdi”, – deyə Skarboro bildirdi.