Dekabrın 11-də Ədliyyə Nazirliyi Baş Tibb İdarəsinin iki əməkdaşı “Azadlıq” qəzetinin həbsdə olan baş redaktoru Qənimət Zahidi müayinə etmək üçün 17 saylı Cəzaçəkmə Müəssisəsinə baş çəkib. Lakin Q.Zahid müayinədən imtina edib.
Bu barədə Reportyorların Azadlıq və Təhlükəsizlik İnstitutuna (RATİ) bu gün (14 dekabr) baş redaktorla görüşən həyat yoldaşı Ayəndə Mürsəliyeva məlumat verib. Onun sözlərinə görə, Q.Zahidin səhhətindəki problemlər olduğu kimi qalır: “Tibb İdarəsindən həkim və ürəyin kardioqramını çıxarmaq üçün tibb bacısı gəlib. Qənimət onlara deyib ki, hər dəfə gəlib yoxlayır, amma yenə də öz bildiyiniz rəyi yazırsınız. Qənimət müayinədən imtina edib, ancaq bu haqda ərizə yazmayıb.”
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Qeyd edək ki, “Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Qeyd edək ki, “Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.