Reportyorların Azadlıq və Təhlükəsizlik İnstitutu “Turan” müstəqil İnformasiya Agentliyinin müxbiri Tapdıq Fərhadoğlu (Quliyev) Türkiyə xarici işlər naziri Ahmet Davutoğlunun keçirdiyi mətbuat konfransına buraxılmamasını pisləyir və bunu müstəqil mətbuat nümayəndəsinə ayrı-seçkilik və hörmətsizlik kimi qiymətləndirir.
Belə ki, T.Fərhadoğlu Bakıda səfərdə olan Ahmet Davutoğlunun dünən (22 oktyabr) “Hyatt Regensy” otelində keçirdiyi mətbuat konfransına buraxılmayıb. Onun adı əvvəldən Davutoğlu ilə söhbətə dəvət edilmiş jurnalistlər siyahısına daxil edilsə də, son anda jurnalisti görüşə buraxmayıblar. Görüşə T.Fərhadoğlunun əvəzinə başqa informasiya agentliyinin nümayəndəsi buraxılıb.
RATİ jurnalistə qarşı belə ayrı-seçkiliyi yolverilməz hesab edir və Türkiyə hökumətini ATƏT-in və Avropa Şurasının söz azadlığına hörmətlə yanaşma prinsiplərinə əməl etməyə çağırır.
RATİ həmçinin Türkiyə hökumətini bu məsələni araşdırmağa və yol verilmiş hörmətsizliyə görə jurnalistdən üzr istəməyə çağırır
RATİ jurnalistə qarşı belə ayrı-seçkiliyi yolverilməz hesab edir və Türkiyə hökumətini ATƏT-in və Avropa Şurasının söz azadlığına hörmətlə yanaşma prinsiplərinə əməl etməyə çağırır.
RATİ həmçinin Türkiyə hökumətini bu məsələni araşdırmağa və yol verilmiş hörmətsizliyə görə jurnalistdən üzr istəməyə çağırır