“XURAL” QƏZETİNİN MADDİ TEXNİKİ BAZASINDA “REGİONAL TƏHLÜKƏSİZLİK İNSTİTUTU” FƏALİYYƏT GÖSTƏRƏCƏK

may 14th, 2009
Bu gün (14 may) Bakıda “Regional Təhlükəsizlik İnstitutu” (RTİ) İctimai Birliyi fəaliyyətini bərpa edib.

Bu barədə Reportyorların Azadlıq və Təhlükəsizlik İnstitutuna (RATİ) məlumat verən  RTİ sədri Eldəniz Elgün vurğuladı ki, təşkilat “Xural” qəzetinin maddi texniki bazası əsasında fəaliyyət göstərəcək. “Bu təşkilat 2005-ci ildə təsis olunub. Lakin yaranandan 1 ay sonra İran İslam Respublikasının təzyiqi, Azərbaycan hakimiyyətinin təkidi ilə mənə qarşı Cinayət Məcəlləsinin 283-cü (milli, irqi, sosial və ya dini nifrət və düşmənçiliyin salınması) maddəsi ilə cinayət işi açılmış və qeyri-rəsmi şəkildə qadağaya məruz qaldığı üçün təşkilat fəaliyyəti dayandırmışdı” –  deyən Eldəniz Elgün vurğulayıb ki, cinayət işin ləğv olunub və bu səbəbdən də regionda baş verən proseslərin aktivliyini nəzərə alaraq, yenidən fəaliyyət göstərəcəklər.