MTRŞ sədrinin köməkçisi Toğrul Məmmədovun RATİ-yə verdiyi məlumata görə müsabiqənin qalibi AzTV elan edilib. Onun sözlərinə görə AzTV “Televiziya və Radio Yayımı” haqqında Qanunun 15.5-ci maddəsinin şərtlərinə əsasən qalib elan olunub. Belə ki, AzTV digər rəqiblərindən maddi texniki bazasına, yüksək peşəkarlığına və idman sahəsindəki təcrübəsinə görə fərqlənib.
Xatırladaq ki, Azərbaycanda idman telekanalının açılması ilə bağlı müsabiqəyə üç iddiaçı – "Azərbaycan Televiziya və Radio Verilişləri" Qapalı Səhmdar Cəmiyyəti (AzTV Sport), "Lider" kanalı ("Olimp" TV) və "Rebrandinq" MMC (Sport Kanal Klub – SKC) sənəd təqdim etmişdi.
*“Televiziya və Radio Yayımı” haqqında Qanunun 15.5-ci maddəsi: 15.5. Xüsusi razılıq (lisenziya) üçün müsabiqə keçirilərkən aşağıdakılar nəzərə alınır:
15.5.1. iddiaçının göstəricilərinin müsabiqə şərtlərinə uyğunluğu;
15.5.2. teleradio yayımını həyata keçirmək üçün iddiaçının yaradıcılıq və texniki imkanları;
15.5.3. açıq dinləmələrin və digər müsabiqə prosedurlarının nəticələri.