Həbsdə olan gənc fəal Bəxtiyar Hacıyevin səhhətində problemlər yaranıb. Bu barədə “Media forum” xəbər saytına fəalın qardaşı Vüqar Hacıyev məlumat verib.
Hacıyev onu da bildirib ki, Bəxtiyar hazırda apellyasiya şikayəti haqda düşünür: “Ölkədəki ictimai-siyasi vəziyyətlə maraqlandı, gənclərin fəallaşmasından sevindiyini dedi. Əsas mesajı isə Azərbaycanda vətəndaş cəmiyyətinin təmsilçilərinə və beynəlxalq təşkilatlaradır. Vətəndaş cəmiyyətinin və beynəlxalq təşkilatların həbslərə görə Azərbaycan hakimiyyətinə təzyiqləri artırmasını istəyir”, – deyə Vüqar Hacıyev əlavə edib.
Xatırladaq ki, Bəxtiyar Hacıyev barəsində cinayət işi yanvarın sonlarında açılıb. Elə həmin vaxt ondan yaşadığı yeri tərk etməmək haqqında iltizamnamə alınıb, fevralın əvvəllərində isə bu tədbir “polisin nəzarətində olma” ilə əvəz olunub
Martın 4-də isə Bəxtiyar Hacıyev bir ay müddətinə həbs edilib. Hüquq müdafiə təşkilatları hesab edirlər ki, 2010-cu il parlament seçkilərində deputatlığa namizəd olmuş gənc fəal facebook-da gənclərin 11 mart “Böyük xalq günü” etiraz aksiyasını təyin edən qrupun üzvü olduğuna görə həbs olunub. . 2011-ci il may ayının 18-də isə o Gəncə şəhər Nizami rayon Məhkəməsinin qərarı ilə 2 il müddətinə azadlıqdan məhrum edilib. Mayın 18-də isə Gəncə Şəhər Nizami Rayon məhkəməsi Bəxtiyar Hacıyev barəsində 2 il müddətinə azadlıqdan məhrum edilməsi barədə hökm çıxarıb.