Dünən (09 sentyabr) Bakı Apellyasiya Məhkəməsində Açıq Cəmiyyət Partiyası və “Bakı Zaman” qəzetinin Səbayel rayon Məhkəməsinin qərarından verdikləri şikayət əsasında məhkəmə prosesi keçirilib.
Məhkəmədən “Lent.az”a verilən məlumata görə, hakim Qail Məmmədovun sədrlik etdiyi prosesdə birinci instansiya məhkəməsinin qərarı qüvvədə saxlanılıb.
Məhkəmə qərarına əsasən, 1 ay ərzində partiya qərargahı və qəzet redaksiyası yerləşdikləri İçəri şəhər, Kiçik Qala 128 ünvanını tərk etməlidirlər.
Qeyd edək ki, Səbayel Rayon Məhkəməsi də onların həmin ünvandan çıxarılması ilə bağlı qərar qəbul etmişdi.