Yanvarın 26-da BBC korporasiyasının rəhbərliyi öz strukturunda ixtisarlar aparıldığını açıqlayıb. Böyük Britaniyanın bu ən böyük yayım korporasiyasının baş direktoru Piter Horroksun (Peter Horrocks) verdiyi məlumata görə, beş xidmət: Albaniya, Makedoniya, Serbiya, Afrika üçün Portuqaliya və Karib regionu üçün İngilis xidməti bağlanıb.
Eyni zamanda, yeni bölmələr (hub) yaradılır. Xüsusən, Avropa hub-na Rusiya, Ukrayna, Azərbaycan xidmətləri daxil olub. Bundan əlavə, Azərbaycan, Rusiya, Ukrayna, İspaniya və Vyetnam xidmətləri radioyayımı dayandıraraq, İnternet vasitəsilə yayıma keçir.
Xatırladaq ki, “Azadlıq” BBC və “Amerikanın səsi” radiostansiyalarının Azərbaycanda yerli FM tezliklərində yayımı 2009-cu ilin yanvarın 1-dən qadağan olunub.