Bu gün (27 may) Səbail rayon Məhkəməsində hakim Araz Hüseynovun sədrliyi ilə “Azadlıq” qəzetinin direktoru Azər Əhmədovun MTN-ə və Baş prokurorluğun Ağır Cinayətlərə dair İşlər İstintaq İdarəsinin rəisi Eldar Əhmədova qarşı telefon danışıqlarının dinlənilməsinin qanunsuz hesab olunması ilə bağlı qaldırdığı iddia üzrə məhkəmə hazırlıq iclası keçirildi.
Prosesdə iddiaçı tərəfin nümayəndəsi Fariz Namazlı və cavabdeh tərəfdən MTN-nin nümayəndəsi Emin Qəmərli iştirak edirdi.
F. Namazlının sözlərinə görə MTN-nin nümayəndəsi E. Qəmərli peşə sirrinin qorunması ilə bağlı məhkəmə prosesinin qapalı keçirilməsi üçün vəsatət qaldırdı. Biz etiraz elədik, lakin hakim A. Hüseynov bütün məhkəmə prosesinin qapalı keçiriləcəyini qərara aldı.
“Vəsatət qaldırdıq Azər Əhmədovun telefon danışıqlarının dinlənilməsi ilə bağlı məhkəmə qərarının bizə təqdim edilməsini xahiş etdik. Hakim Araz Hüseynov məhkəmə baxışı zamanı sənədin bizə təqdim ediləcəyini bildirdi”, – deyə F. Namazlı qeyd etdi.
“Vəsatət qaldırdıq Azər Əhmədovun telefon danışıqlarının dinlənilməsi ilə bağlı məhkəmə qərarının bizə təqdim edilməsini xahiş etdik. Hakim Araz Hüseynov məhkəmə baxışı zamanı sənədin bizə təqdim ediləcəyini bildirdi”, – deyə F. Namazlı qeyd etdi.
F. Namazlının verdiyi məlumata görə, hakim A. Hüseynov məhkəmə prosesini iyun ayının 4-ü saat 09.30 – a təyin edib .
İddiaya səbəb “Azadlıq” qəzetinin əməkdaşı Aqil Xəlilin işi üzrə istintaqın gedişi zamanı A. Əhmədovun da telefon danışıqlarının dinlənilməsi olub. İddiaçı A. Əhmədov telefon danışıqlarının dinlənilməsinin qanunsuz hesab edilməsi və ona dəymiş mənəvi ziyana görə kompensasiyanın ödənilməsi tələb edir.