“Azadlıq" qəzetinin baş redaktoru Qənimət Zahidovun azadlıqdan məhrum edilməsi barədə qərardan verilən apellyasiya şikayətinə aprel ayının 25-də baxılacaq.
Xatırladaq ki, Zahidov 07 mart 2008-ci il tarixdə Yasamal Rayon Məhkəməsinin hakimi Südabə Məmmədovanın qərarı ilə Cinayət Məcəlləsinin 127.2.3 maddəsi (xuliqanlıq niyyəti ilə qəsdən sağlamlığa az ağır zərər vurma) ilə 3 il 6 ay, 221-ci maddə (xuliqanlıq) ilə isə 6 ay olmaqla ümumilikdə 4 il azadlıqdan məhrum edilib.
*”Azadlıq” qəzetinin digər həbs edilmiş əməkdaşı, jurnalist satirik Mirzə Sakitin (Qənimət Zahidovun qardaşıdır) və "Gündəlik Azərbaycan" və "Realnıy Azerbaydjan" qəzetlərinin baş redaktoru Eynulla Fətullayevin həbsindən, eyni zamanda “Bizim yol” qəzetinin əməkdaşı Müşfiq Hüseynov barədə ikinci dəfə həbs qət-imkan tədbirinin seçilməsindən verilən şikayətlərə də Abdinbəyov tərəfindən baxılıb. Hər üç halda aşağı instansiya məhkəmələrinin qərarı qüvvədə saxlanılıb.