QƏNİMƏT ZAHİDOVUN HƏBSİ İLƏ BAĞLI ŞİKAYƏT AVROPA MƏHKƏMƏSİNƏ GÖNDƏRİLİB

fevral 14th, 2008
“Azadlıq” qəzetinin həbs edilmiş baş redaktoru Qənimət Zahidov barəsində Yasamal Rayon Məhkəməsinin çıxardığı iki aylıq həbs qət-imkan tədbiri haqqında qərardan Avropa İnsan Haqları Məhkəməsinə şikayət göndərilib.

Məlumatı RATİ-yə Media Hüququ İnstitutunun (MHİ) rəhbəri, vəkil Rəşid Hacılı verib və bildirib ki,, qanunvericiliyə uyğun olaraq həbs qət-imkan tədbiri haqqında qərardan Avropa Məhkəməsinə şikayət göndərmək üçün rayon və Apellyasiya məhkəmələrinin qərarları kifayətdir.
    Xatırladaq ki, 2007-ci il noyabr ayının 11-də Yasamal Rayon Məhkəməsinin hakimi Tahir İsmaylovun qərarı ilə Q.Zahidov barəsində iki aylıq həbs qət-imkan tədbiri seçilmişdi. Noyabrın 22-də isə Bakı Apellyasiya Məhkəməsinin hakimi Rizvan Səfərov bu qərarı qüvvədə saxlamışdı.