“Azərbaycan 2001-ci ildə Avropa Şurasına üzv qəbul olunan zaman ölkədə demokratik cəmiyyətin əsaslarından birini təşkil edən söz azadlığı və media müstəqilliyini təmin edəcəyinə dair öhdəlik götürüb”.
“APA” İnformasiya Agentliyinin məlumatına görə, bu fikirlər Avropa Şurası Nazirlər Komitəsinin sədri, İspaniyanın xarici işlər naziri Miqel Anhel Moratinos və Avropa Şurası Parlament Assambleyasının prezidenti Luis Mariya de Puçun bəyanatında öz əksini tapıb.
Məlumatda əsasən, bəyanatlarında Miqel Anhel Moratinos və Luis Mariya de Puç Milli Televiziya və Radio Şurasının (MTRŞ) Azərbaycanda xarici radiostansiyaların FM dalğalarında yayımının dayandırılması ilə bağlı qərarını narahatlıqla qarşıladıqlarını bildiriblər.
Xatırladaq ki, MTRŞ-nin 2008-ci il dekabr ayının 30-da qəbul etdiyi qərara uyğun olaraq 2009-cu il yanvar ayının 1-dən Azərbaycanda “Azadlıq”, “Amerikanın səsi” və BBC radiostansiyalarının FM tezliyində yayamı dayandırılıb.