Bu gün (28 yanvar) Azərbaycan Respublikasının Prezidenti yanında QHT-lərə Dövlət Dəstəyi Şurasının 2009-cu ildəki fəaliyyəti ilə bağlı hesabat təqdim olunub.
Şura sədri Azay Quliyev bildirib ki, 2009-cu ildə şuraya təqdim olunan 613 layihədən 248-i maliyyələşdirilib və buna uyğun olaraq “2009-cu ildə maliyyələşdirilən layihələr” adlı kitab nəşr olunub. O qeyd edib ki, layihələrin icrası ilə bağlı bəzi təşkilatlarla problemlər də yaranıb ki, həmin təşkilatlar 2 il müddətinə QHT Şurasının maliyyə yardımından məhrum ediliblər.
Şura katibliyinin icraçı direktoru Fərasət Qurbanov isə bildirib ki, QHT-lərə ayrılmış qrantlar nəticəsində 589 nəfər daimi, 501 nəfər isə müvəqqəti işlə təmin olunublar. Bundan əlavə 2009-cu ildə həyata keçirilən qrant layihələrindən 106 mindən çox insan faydalanıb.
Şura katibliyinin icraçı direktoru Fərasət Qurbanov isə bildirib ki, QHT-lərə ayrılmış qrantlar nəticəsində 589 nəfər daimi, 501 nəfər isə müvəqqəti işlə təmin olunublar. Bundan əlavə 2009-cu ildə həyata keçirilən qrant layihələrindən 106 mindən çox insan faydalanıb.