Rabitə və İnformasiya Texnologiyaları Nazirliyi yanında İnternet problemlərinin həlli ilə məşğul olacaq şura yaradılır.
Bunu nazir Əli Abbasov jurnalistlərlə söhbətində bildirib. Onun sözlərinə görə, quruma QHT-lər, elm, təhsil müəssisələrinin və biznes sektorunun nümayəndələri üzv olacaqlar. Abbasov hesab edir ki, Şura fəaliyyətə başladıqdan sonra Azərbaycanda internet domenlərinin qeydə alınması, beynəlxalq domenlərdən Azərbaycan tərəfindən istifadə olunması asanlaşacaq.