Mayın 6-da Nəsimi Rayon Məhkəməsi MTN-in istintaq təcridxanasında saxlanan jurnalist Rauf Mirqədirovun qanunsuz saxlanılması ilə bağlı şikayətini təmin etməyib.
Jurnalistin vəkili Fuad Ağayev bildirib ki, qərarı əldə edəndən sonra apellyasiya şikayəti verəcəklər.
Xatırladaq ki, Zerkalo qəzetinin Türkiyə müxbiri Rauf Mirqədirov aprelin 19-da həbs edilib. Jurnalist Cinayət Məcəlləsinin 274-cü (dövlətə xəyanət) maddəsi ilə ittiham edilir və Nəsimi Rayon Məhkəməsi Rauf Mirqədirov barəsində 3 aylıq həbs qətimkan tədbiri seçib.