Avqustun 25-də Babək rayon Məhkəməsi 23 iyul 2009-cu il tarixdə Muxtar Respublika Milli Təhlükəsizlik Nazirliyi Babək rayon Şöbəsinin əməkdaşları tərəfindən Cəhri kənd Bələdiyyəsinin sədri, Naxçıvan Muxtar Respublika Ali Məclisinin deputatı Zahid İsmayılovdan müsadirə olunmuş 271 manatını geri qaytarıb. Bu barədə Reportyorların Azadlıq və Təhlükəsizlik İnstitutunun (RATİ) Naxçıvandakı bölgə müxbirlərinə Zahid İsmayılovun özü məlumat verib.
“Babək rayon Məhkəməsində mənə dedilər ki, sən deputatsan sənə heç nə etmək olmaz. Sənin müsadirə olunmuş pulunu qaytarırıq. Digər iki nəfərdən müvafiq olaraq götürülmüş 15 və 37 manat isə müsadirə olunur və əlavə olaraq onların hər birini 20 manat cərimə ediliblər” – deyən deputat məhkəmənin nə zaman və kimlərin iştirakı ilə keçirildiyi barədə də ona heç bir məlumatın verilmədiyini bildirib.
“Mənə dedilər ki, məhkəmənin qərarından şikayət etmək olmaz. Bəlli oldu ki, cərimələnmiş şəxslər mənim əleyhimə heç bir izahat verməyiblər. Həm də onların guya mənimlə qumar oynamaqları haqda da məhkəmədə heç bir dəlil-sübut yoxdur. Bu səbəbdən də adlarını çəkmək istəmədiyim həmin şəxslər əsassız olaraq cərimələndikləri üçün yuxarı məhkəmə instansiyasına şikayət verəcəklər”, – deyə Zahid İsmayılov vurğuladı.
Xatırladaq ki, Z.İsmayılov 22 iyul 2009-cu il tarixində yaşadığı kənd ərazisində əkin sahələrinin suvarılması və kəndin digər sosial-iqtisadi problemləri barədə mətbuata açıqlama verib. Bundan sonra ona qarşı təzyiqlər başlanıb. 23 iyul 2009-cu il tarixdə onun şəxsi mülkiyyətinə aid olan obyektə MTN-in Babək rayon Şöbəsinin əməkdaşları daxil olublar. Həmin vaxt orada sahibkar deputat Zahid İsmayılov, kombayn sürücüsü və daha bir nəfər işçisi olub. Obyektdə daxil olan şəxslər heç bir sənəd təqdim etmədən onları qumar oynamaqda ittiham ediblər və məcburi qaydada orada olan şəxslərin üstündə axtarış aparıblar. Orada olan işçilərin birinin üzərindən 15 AZN, digərinin üzərindən 37 AZN, Ali Məclisin deputatı Zahid İsmayılovun üstündənsə 271 AZN pul götürüblər. Avqustun 7-də Naxçıvan televiziyasının ( NTV) saat 19.00-da efirə gedən xəbərlər proqramında Muxtar Respublika Daxili İşlər Nazirliyinin İctimai Təhlükəsizlik İdarəsinin deputatla bağlı yaydığı məlumat səsləndirilib. Məlumatda Z.İsmayılov qumarbaz kimi təqdim olunub.
“Mənə dedilər ki, məhkəmənin qərarından şikayət etmək olmaz. Bəlli oldu ki, cərimələnmiş şəxslər mənim əleyhimə heç bir izahat verməyiblər. Həm də onların guya mənimlə qumar oynamaqları haqda da məhkəmədə heç bir dəlil-sübut yoxdur. Bu səbəbdən də adlarını çəkmək istəmədiyim həmin şəxslər əsassız olaraq cərimələndikləri üçün yuxarı məhkəmə instansiyasına şikayət verəcəklər”, – deyə Zahid İsmayılov vurğuladı.
Xatırladaq ki, Z.İsmayılov 22 iyul 2009-cu il tarixində yaşadığı kənd ərazisində əkin sahələrinin suvarılması və kəndin digər sosial-iqtisadi problemləri barədə mətbuata açıqlama verib. Bundan sonra ona qarşı təzyiqlər başlanıb. 23 iyul 2009-cu il tarixdə onun şəxsi mülkiyyətinə aid olan obyektə MTN-in Babək rayon Şöbəsinin əməkdaşları daxil olublar. Həmin vaxt orada sahibkar deputat Zahid İsmayılov, kombayn sürücüsü və daha bir nəfər işçisi olub. Obyektdə daxil olan şəxslər heç bir sənəd təqdim etmədən onları qumar oynamaqda ittiham ediblər və məcburi qaydada orada olan şəxslərin üstündə axtarış aparıblar. Orada olan işçilərin birinin üzərindən 15 AZN, digərinin üzərindən 37 AZN, Ali Məclisin deputatı Zahid İsmayılovun üstündənsə 271 AZN pul götürüblər. Avqustun 7-də Naxçıvan televiziyasının ( NTV) saat 19.00-da efirə gedən xəbərlər proqramında Muxtar Respublika Daxili İşlər Nazirliyinin İctimai Təhlükəsizlik İdarəsinin deputatla bağlı yaydığı məlumat səsləndirilib. Məlumatda Z.İsmayılov qumarbaz kimi təqdim olunub.