Məhkəmə Hüquq Şurası (MHŞ) Reportyorların Azadlıq və Təhlükəsizlik İnstitutunun (RATİ) müraciətinə baxıb.
Bu barədə MHŞ-dən dünən (05 yanvar) RATİ-yə daxil olan məktubda bildirilir.
Qeyd edək ki, dəfələrlə ayrı-ayrı hakimlər tərəfindən RATİ əməkdaşlarına açıq məhkəmə proseslərində monitorinq aparmaq qadağan edilib, foto və video çəkilişlərə isə əsassız olaraq icazə verilməyib. Məsələ ilə bağlı 27.11.2008-ci il tarixində RATİ MHŞ-yə müraciət ( http://www.irfs.az/content/view/1573/28/lang,az/) etmişdi.
RATİ-yə daxil olan məktubda bildirilir ki, Məhkəmə Hüquq Şurası Bakı Apellyasiya Məhkəməsinə, Nəsimi, Xətai və Yasamal rayon Məhkəmələrinə məsələnin araşdırılması və qanuna müvafiq tədbirlər görülməsini tövsiyə edib.