Yasamal rayon Məhkəməsi yayım firmalarına “Azadlıq” qəzetinin satışından əldə edilən gəlirlərin redaksiyaya verilməsini qadağan edib. Bu barədə bu gün (01 noyabr) Reportyorların Azadlıq və Təhlükəsizlik İnstitutuna (RATİ) “Azadlıq” qəzetinin baş redaktor müavini Rahim Hacıyev məlumat verib.
R. Hacıyev bildirib ki, bütün gəlirlərin qəzetin bank hesabına verilməsi bildirilib və bütün vəziyyət kritik şəkildədir.
“Yəni gəlirlərin heç biri “Azadlıq” qəzetinə gəlməməsi onun tam şəkildə bağlanmasına işarədir. Bununla bağlı heç bir yerə şikayət etmək mümkün deyil çünki bunun yuxarıdan gələn bir əmr olduğu tam açıq şəkildə görünür”,-deyə Hacıyev qeyd edib.