Avqustun 1-də 1 saylı Bakı İnzibati-İqtisadi Məhkəməsində hakim Qurban Abbasovun sədrliyi ilə jurnalist Elmin Bədəlovun Azərbaycan Dövlət Neft Akademiyasının (ADNA) tələbələri sırasına bərpa olunmaqla bağlı iddiası üzrə növbəti hazırlıq iclası keçirilib.
İddiaçının nümayəndəsi Fariz Namazlı bildirib ki, Elmin Bədəlov Akademiyaya bərpa olunmaqla bağlı 2011-ci ilin sentyabrında müraciət etsə də, onun bu müraciəti təmin olunmayıb.
Hakim isə həmin müraciətlə bağlı həmin il noyabrın 3-də 1 saylı Bakı İnzibati-İqtisadi Məhkəməsində iddia qaldırıldığını və 16 noyabr 2011-ci il tarixli qərarla həmin iddianın təmin edilmədiyini bildirib. O həmçinin həmin qərarı əldə etmək və iddianın icraata qəbul edilib edilməməsi ilə bağlı qərar qəbul etmək üçün prosesi 2 avqust saat 15:00-a təxirə salıb.
Xatırladaq ki, “Yeni müsavat” qəzetinin əməkdaşı Elmin Bədəlov 19 yanvar 2010-cu ildə Azərbaycan Dövlət Neft Akademiyasından xaric olunub. O, 12 noyabr 2009-cu il tarixdə təhsil müəssisəsindəki rüşvət halları və maliyyə fırıldaqları ilə bağlı pia.az saytında “Azərbaycan Dövlət Neft Akademiyasından reportaj” adlı məqalə yazdıqdan sonra təzyiqə məruz qaldığını bildirir və imtahanlardan qərəz nəticəsində kəsildiyini iddia edir.
Hakim isə həmin müraciətlə bağlı həmin il noyabrın 3-də 1 saylı Bakı İnzibati-İqtisadi Məhkəməsində iddia qaldırıldığını və 16 noyabr 2011-ci il tarixli qərarla həmin iddianın təmin edilmədiyini bildirib. O həmçinin həmin qərarı əldə etmək və iddianın icraata qəbul edilib edilməməsi ilə bağlı qərar qəbul etmək üçün prosesi 2 avqust saat 15:00-a təxirə salıb.
Xatırladaq ki, “Yeni müsavat” qəzetinin əməkdaşı Elmin Bədəlov 19 yanvar 2010-cu ildə Azərbaycan Dövlət Neft Akademiyasından xaric olunub. O, 12 noyabr 2009-cu il tarixdə təhsil müəssisəsindəki rüşvət halları və maliyyə fırıldaqları ilə bağlı pia.az saytında “Azərbaycan Dövlət Neft Akademiyasından reportaj” adlı məqalə yazdıqdan sonra təzyiqə məruz qaldığını bildirir və imtahanlardan qərəz nəticəsində kəsildiyini iddia edir.