Martın 22-də Jurnalistləri Müdafiə Komitəsi (JMK) “Azadlıq” qəzetinin baş redaktoru Qənimət Zahidin (Zahidov) həbsdən azad olunmasını alqışlayan bəyanat yayıb.
JMK-nın Avropa və Mərkəzi Asiya üzrə Proqram Koordinatoru Nina Oqnianova baş redaktorun azad olunmasından məmnunluq duyduğunu bildirib. “Biz Azərbaycan hökumətini jurnalistika fəaliyyətinə görə həbs olunmuş redaktor Eynulla Fətullayevi və video blogerlər Emin Milli və Adnan Hacızadəni də azad etməklə, daha bir müsbət addım atmağa çağırırıq” – deyə o, bəyanatda bildirir.
Bəyanatda həmçinin “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayev və onun ailəsinin ölümlə hədələnməsi,, bir neçə media nümayəndəsinin Eynulla Fətullayevin açıqlamaları ilə bağlı Milli Təhlükəsizlik Nazirliyində dindirilməsi, həbsdə olan blogerlər Emin Milli və Adnan Hacızadənin apellyasiya şikayətinin təmin edilməməsinə də toxunulub.
Nyu-yorkda yerləşən JMK dünya miqyasında mətbuat azadlığını müdafiə edən, müstəqil və gəlir əldə etməyən bir təşkilatdır.
Qeyd edək ki, Qənimət Zahid (Zahidov) 17 mart tarixində Azərbaycan Respublikasının Prezidenti İlham Əliyevin imzaladığı sərəncamla əfv edilib.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilmişdi…___
Bəyanatda həmçinin “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayev və onun ailəsinin ölümlə hədələnməsi,, bir neçə media nümayəndəsinin Eynulla Fətullayevin açıqlamaları ilə bağlı Milli Təhlükəsizlik Nazirliyində dindirilməsi, həbsdə olan blogerlər Emin Milli və Adnan Hacızadənin apellyasiya şikayətinin təmin edilməməsinə də toxunulub.
Nyu-yorkda yerləşən JMK dünya miqyasında mətbuat azadlığını müdafiə edən, müstəqil və gəlir əldə etməyən bir təşkilatdır.
Qeyd edək ki, Qənimət Zahid (Zahidov) 17 mart tarixində Azərbaycan Respublikasının Prezidenti İlham Əliyevin imzaladığı sərəncamla əfv edilib.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilmişdi…___