DEVİD KRAMER KİV RƏHBƏRLƏRİ İLƏ GÖRÜŞÜB

noyabr 18th, 2008
Azərbaycanda rəsmi səfərdə olan ABŞ dövlət katibinin demokratiya və insan hüquqları üzrə müavini Devid Kramer bu gün (18 noyabr) bir qrup KİV və media QHT-si rəhbərləri ilə görüşüb. Görüşdə Azərbaycanda söz və mətbuat azadlığının durumu, xarici radiostansiyaların milli tezliklərlə yayımının dayandırılması təhlukəsi, həbsdə olan jurnalistlərin durumu və s. məsələlər müzakirə edilib.

Görüşdə "Ayna" və "Zerkalo" qəzetlərinin baş redaktoru Elçin Şıxlınskiy, "Yeni Müsavat" qəzetinin baş redaktoru Rauf Arifoğlu, "Bizim yol" qəzetinin baş redaktoru Bahəddin Həziyev, "Day.az" saytının direktoru Elnur Baimov, "Mediaforum" xəbər saytının direktoru Azər Qaraçənli, Reportyorların Azadlıq və Təhlükəsizlik İnstitutunun sədri Emin Hüseynov, Qadın Jurnalistlər Birliyinin ("Women's Media Watch") sədri Sevinc Osmanqızı və digərləri iştirak edib.
Kramer Bakı səfərinin təfərruatları barədə görüş iştirakçılarına məlumat verib. O, səfəri çərçivəsində   prezident İlham Əliyev, baş nazir Artur Rasizadə və digər şəxslərlə də görüşdüyünü bildirib.