“Xarici radiolara qadağa qoyan Avropa standartı yoxdur”.
Bunu “Azadlıq” radiosuna müsahibəsində Azərbaycan Milli Televiziya və Radio Şurasının xarici radiostansiyalarla bağlı planına münasibət bildirən Avropa Birliyinin Cənubi Qafqaz üzrə xüsusi nümayəndəsi Piter Semnebi deyib.
“Belə bir Avropa standartı yoxdur ki, əcnəbinin radiostansiya açmasına və tezlik əldə etməsinə mane olsun. Bizim mövqeyimiz budur ki, media sahəsində plüralizmin olması vacibdir. Bu, qısa azad mətbuat tarixini yaşamış ölkələrdə daha zəruridir. Belə bir vəziyyətdə medianın fəaliyyətini məhdudlaşdıran qərarın qəbul edilməsinin mənfi nəticəsi ola bilər”, – deyə Semnebi vurğulayıb.