Bu gün (11 avqust) Azərbaycanın ən populyar iki saytı – “day.az” və “anspress.com” haker hücumuna məruz qalıb.
“Saytımız bu gün üç dəfə rus hakerlərinin hücumuna məruz qalıb. Amma hər dəfə bu hücumların qarşısını ala bilmişik”. Bunu RATİ-yə “anspress.com” saytının şef-redaktoru Aytən Səfərova bildirdi. Onun sözlərinə görə, bu hücumlarda məqsəd Gürcüstanı tam şəkildə informasiya blokadasına almaqdır: “Gürcüstan saytlarının əksəriyyəti artıq dağıdılıb. Biz və “day.az” isə Gürcüstanla bağlı bütün məlumatları yaymaqda davam edirik. Həm də bizim Gürcüstanda müxbirimiz operativ olaraq hadisə yerindən də xəbərləri çatdırır. Yəqin ki, bu da rusların xoşuna gəlmir”.
“anspress.com” saytından fərqli olaraq ”day.az” saytı bu gün dağıdılıb.
Saytın baş redaktoru Elnur Baimovun “Azadlıq” radiosuna verdiyi məlumata görə, Rusiya-Gürcüstan münaqişəsi başlayan gündən, yəni avqustun 8-dən Rusiya tərəfindən haker hücumları başlanıb.
“anspress.com” saytından fərqli olaraq ”day.az” saytı bu gün dağıdılıb.
Saytın baş redaktoru Elnur Baimovun “Azadlıq” radiosuna verdiyi məlumata görə, Rusiya-Gürcüstan münaqişəsi başlayan gündən, yəni avqustun 8-dən Rusiya tərəfindən haker hücumları başlanıb.
Qeyd edək ki, saat 16.30 radələrində dağıdılmış “day.az” saytı saat 18.20 radələrindən bərpa olunub.