Bu gün (6 may) Təhsil Nazirliyinin qarşısında ötən ilin noyabrında məktəblərdə hicaba qadağa qoyulmasına etiraz olaraq keçirilən aksiyada peşə fəaliyyətini yerinə yetirən bir qrup jurnalist polisin fiziki təzyiqinə məruz qalıblar.
Belə ki, “Turan” informasiya agentliyinin əməkdaşı Etimad Budaqov, “Fakt Xəbər” portalının əməkdaşları – Tural Həsənli və Vüqar Huseynov peşə fəaliyyətini yerinə yetirdikləri zaman mülki və polis geyimli şəxslərin təzyiqilə üzləşiblər.
Tural Həsənlinin RATİ-yə verdiyi məlumata görə, hadisə yerində çəkiliş aparan dəqiqələrdən polislərin aqresiv rəftarı ilə qarşılaşıbıar: “Mənim özümün gözümə və qollarıma polis qaz sıxdı. Sonra çəkiliş aparanda fotokamerami dəyənəklə vuraraq, yerə saldı. İtələyərək, söyüş söyərək, mənə təzyiqlər etməyə başladılar”, – deyə jurnalist bildirib.