Bu gün (05 sentyabr) Yasamal rayon Məhkəməsində hakim Tahir İsmayılovun sədirliyi ilə Müdafiə Nazirliyi Mənzil İstismar İdarəsinin Mənzil İstismarı Bölüyünün əsgəri Əli Yusifovun "Gündəlik Bakı" qəzetinin təsisçisi və baş redaktoru Habil Vəliyevə qarşı irəli sürdüyü iddia əsasında məhkəmə prosesi yekunlaşdı.
Hakim Vəliyevin 1 il 6 ay müddətinə şərti cəza ilə cəzalandırılması haqqında hökm çıxardı. Çıxarılmış hökmu ədalətsiz hesab edən Vəliyev yaxın günlərdə apellyasiya şikayəti verəcək.
Xatırladaq ki, "Gündəlik Bakı" qəzetinin baş redaktoru Habil Vəliyev Cinayət Məcəlləsinin 188 (torpaq üzərində mülkiyyət hüququnu pozma) və 315.1 (xidməti vəzifələrini yerinə yetirilməsi ilə əlaqədar hakimiyyət nümayəndəsinə zor tətbiq etməklə müqavimət göstərmə) maddələri ilə ittiham olunur. İddiaya görə, o, Müdafiə Nazirliyinin istifadəsinə verilmiş ərazidə xeyir-şər evi tikdirmiş və bu il fevral ayının 25-də həmin xeyir-şər evi Müdafiə Nazirliyi İstismar İdarəsinin Mənzil İstismar Xidməti Bölüyünün əsgərləri tərəfindən sökülərkən, guya baş redaktor əsgər Yusifova xəsarət yetirib və nəticədə əsgərin çeçələ barmağı əzilib.
Xatırladaq ki, "Gündəlik Bakı" qəzetinin baş redaktoru Habil Vəliyev Cinayət Məcəlləsinin 188 (torpaq üzərində mülkiyyət hüququnu pozma) və 315.1 (xidməti vəzifələrini yerinə yetirilməsi ilə əlaqədar hakimiyyət nümayəndəsinə zor tətbiq etməklə müqavimət göstərmə) maddələri ilə ittiham olunur. İddiaya görə, o, Müdafiə Nazirliyinin istifadəsinə verilmiş ərazidə xeyir-şər evi tikdirmiş və bu il fevral ayının 25-də həmin xeyir-şər evi Müdafiə Nazirliyi İstismar İdarəsinin Mənzil İstismar Xidməti Bölüyünün əsgərləri tərəfindən sökülərkən, guya baş redaktor əsgər Yusifova xəsarət yetirib və nəticədə əsgərin çeçələ barmağı əzilib.