Bu gün (7 dekabr) Reportyorların Azadlıq və Təhlükəsizlik İnstitutunun (RATİ) Mətbuat Mərkəzində “Nota-Bene” qəzetinin redaktoru Sərdar Əlibəyli mətbuat konfransı keçirdi.
“Dünən sorğuma cavab verilməməsi ilə bağlı Səbail rayon Məhkəməsinə müraciət etdim. Lakin, əminəm ki, iddia ərizəm geri qaytarılacaq. Bunun da səbəbi hər kəsə bəllidir. Son 1 ildə Azərbaycanın bütün məmur heyətinə məktub ünvanlayaraq, özümə, redaktoru olduğum qəzetə qarşı təzyiqlərə son qoyulmasını tələb etmişəm, amma məktublarıma bu günə kimi də cavab verilməyib. Mən bu ölkədə azad fəaliyyətimin təmin olunmasını istəyirəm. Onu da bildirim ki, heç vaxt ünsiyyətdə olmadığım, tanımadığım bir obyekt sahibi Mətbuat Şurasına məktub ünvanlayaraq, mənim ondan guya 8000 manat pul tələb etdiyimi və onu şantaj etdiyimi bildirib. Mən bununla əlaqədar 34-cü polis bölməsinə o adamdan şikayət etdim. Polis bu işdə heç bir cinayət tərkibinin olmadığı barədə qərar çıxarıb”, – deyən S. Əlibəyli mətbuatın ona qarşı olan laqeyd münasibətdən də narazı olduğunu bildirdi.