İşgəncələrə Qarşı Azərbaycan Komitəsinin sədri Elçin Behbudov bu gün (21 may) 12 saylı Cəzaçəkmə müəssisəsində saxlanılan "Gündəlik Azərbaycan" və "Realniy Azerbaydjan" qəzetlərinin baş redaktoru Eynulla Fətullayev və 14 saylı Cəzaçəkmə Müəssisəsində saxlanılan “Azadlıq” qəzetinin yazarı, satirik-şair Mirzə Sakitlə (Sakit Zahidov) görüşüb.
Bu barədə RATİ- yə Behbudovun özü məlumat verib. Onun sözlərinə görə, jurnalistlər saxlanma şəraitlərindən və cəzaçəkmə müəssisəsi administrasiyasının onlara qarşı olan münasibətdən narazı deyillər: “Yalnız Mirzə Sakit əsəbilikdən əziyyət çəkdiyini dedi”, – deyə Behbudov əlavə etdi.