QƏTLİNİN NÖVBƏTİ İLDÖNÜMÜNDƏ ELMAR HÜSEYNOVUN MƏZARI ZİYARƏT EDİLDİ

mart 3rd, 2012
Martın 2-də bir qrup jurnalist, baş redaktorlar, media qurumları rəhbərləri, diplomatik missiyaların təmsilçiləri, o cümlədən siyasi partiya liderləri  “Monitor” jurnalının redaktoru Elmar Hüseynovun məzarını  ziyarət ediblər.

 Jurnalistin məzarı önündə çıxış edənlər indiyədək bu qətlin üstünün açılmamasından hiddətləndiklərini bildiriblər. Siyasətçilərdən Müsavat Partiyası başqanı İsa Qəmbər və AXCP sədri Əli Kərimlinin  redaktorun qətlində hakimiyyətin əli olduğunu bildiriblər  və onlar bu cinayət hazırkı hakimiyyətin dövründə açılmayacağını bildiriblər.

Jurnalistlər Qənimət Zahid, Xalid Bahdır, İdrak Abbasov, hüquq müdafiəçisi Emin Hüseynov çıxış edərək Mərhum E.Hüseynovun xatirəsinin əbədi yaşayacağını və onun qatillərinin də və bu qətli icra edənlərin də gec-tez ifşa olacağını bildiriblər.  

Xatırladaq ki, E.Hüseynov işdən evə qayıdarkən naməlum şəxslər tərəfindən  güllələnib. Cinayətkar ona 7 güllə vurub. Bir müddət sonra hakimiyyət bildirib ki, qətli əslən azərbaycanlı olan Gürcüstan vətəndaşları Teymuraz Əliyev və Tahir  Xubanov törədib.