Adolf Hitlerin “Mənim savaşım” (Mein kampf) kitabı ilə bağı Ədliyyə Nazirliyinin kompleks ekspertiza rəyi artıq Nərimanov rayon məhkəməsinə göndərilib. Bu barədə Reportyorların Azadlıq və Təhlükəsizlik İnstitutuna (RATİ) məlumat verən “Xural” qəzetinin baş redaktoru Əvəz Zeynallı məlumat verib.
“Bu kitaba iki dəfə ziddiyyətli ekspertiza rəyi verildiyi üçün, 2008-ci il dekabrın əvvəlində "Mənim Savaşım" kitabının təkrar Ədliyyə Nazirliyinin ekspertizasına göndərilməsi ilə bağlı məhkəmə qarşısında vəsatət qaldırmışdıq” – deyən Ə.Zeynallı vurğuladı ki, ekspertizanın rəyi nəticəsi 22 iyun saat 15.00-da Nərimanov rayon məhkəməsində hakim Turqay Hüseynovun sədrliyi ilə keçiriləcək prosesdə açıqlanacaq.
Xatırladaq ki, Adolf Hitlerin "Mənim Savaşım" kitabının tərcüməsinə görə Ə.Zeynalliya qarşı 2004-cü ilin dekabr ayında MTN-də Cinayət Məcəlləsinin 283.1 maddəsi ilə cinayət işi qaldırılmış və 2005-ci ilin fevral ayında əməldə cinayət tərkibi olmadığına görə işə xitam verilmişdi. 2007-ci ilin may ayında isə kitab ikinci dəfə çap olunan zaman cinayət işi Baş Prokurorun birinci müavini Rüstəm Usubov tərəfindən yenilənərək yenidən MTN-in İstintaq İdarəsinə göndərilmiş və həmin ilin oktyabr ayında cinayət işinin istintaqı yekunlaşaraq baxılması üçün Nərimanov rayon Məhkəməsinə göndərilmişdi.
Xatırladaq ki, Adolf Hitlerin "Mənim Savaşım" kitabının tərcüməsinə görə Ə.Zeynalliya qarşı 2004-cü ilin dekabr ayında MTN-də Cinayət Məcəlləsinin 283.1 maddəsi ilə cinayət işi qaldırılmış və 2005-ci ilin fevral ayında əməldə cinayət tərkibi olmadığına görə işə xitam verilmişdi. 2007-ci ilin may ayında isə kitab ikinci dəfə çap olunan zaman cinayət işi Baş Prokurorun birinci müavini Rüstəm Usubov tərəfindən yenilənərək yenidən MTN-in İstintaq İdarəsinə göndərilmiş və həmin ilin oktyabr ayında cinayət işinin istintaqı yekunlaşaraq baxılması üçün Nərimanov rayon Məhkəməsinə göndərilmişdi.