Dünən (17 iyun) Nərmanov Rayon Məhkəməsində hakim Rasim Kazımovun sədrliyi ilə “Nota” qəzetinin baş redaktor əvəzi Sərdar Əlibəylinin Azərbaycan Respublikasının Təhsil Naziri (TN) Misir Mərdanova və nazirliyin əsas təmir-tikinti idarəsinin rəisi Allahverdi Dəmirova qarşı iddiası üzrə məhkəmə prosesi keçirilib. Bu barədə Reportyorların Azadlıq və Təhlükəsizlik İnstitutuna (RATİ) S.Əlibəylinin özü məlumat verib.
Qarşı tərəfin heç bir səbəb bildirmədən məhkəmədə iştirak etmədiyini deyən S.Əlibəyli hakim R.Kazımovun iddianı qismən təmin edərək, vəzifəli şəxsinin hərəkətsizliyinin qanunsuz hesab olunması və sorğuya cavab verilməsi barədə qərar çıxardığını bildirdi.
Xatırladaq ki, “Nota” qəzetinin TN haqqında dərc edilən yazı ilə bağlı nazirliyə informasiya sorğusu göndərilmiş, lakin sorğu TN tərəfindən cavablandırılmadığına görə, S.Əlibəyli vəzifəli şəxsinin hərəkətsizliyinin qanunsuz hesab olunması, sorğuya cavab verilməsi və cavabdehlərin 1000 AZN cərimə ödəməsi iddası ilə məhkəməyə müraciət etmişdi.
Xatırladaq ki, “Nota” qəzetinin TN haqqında dərc edilən yazı ilə bağlı nazirliyə informasiya sorğusu göndərilmiş, lakin sorğu TN tərəfindən cavablandırılmadığına görə, S.Əlibəyli vəzifəli şəxsinin hərəkətsizliyinin qanunsuz hesab olunması, sorğuya cavab verilməsi və cavabdehlərin 1000 AZN cərimə ödəməsi iddası ilə məhkəməyə müraciət etmişdi.