May ayının 24-də valideynləri 12 saylı cəzaçəkmə müəssisəsində cəza çəkən “Gündəlik Azərbaycan” və “Realnıy Azebaydjan” qəzetlərinin baş redaktoru Eynulla Fətullayevlə görüşüblər.
Bu haqda Reportyorların Azadlıq və Təhlükəsizlik İnstitutuna (RATİ) məlumat verən jurnalistin atası Emin Fətullayev bildirib ki, Fətullayevin səhhətindən və saxlanma şəraitindən heç bir narazılığı yoxdur.
Qeyd edək ki, ötən həftə Bakıda səfərdə olan AŞ PA-nın Monitorinq Komitəsinin Azərbaycan üzrə həmməruzəçiləri Andres Herkel və Yevgeniya Jivkova cəzaçəkmə müəssisəsində Fətullayevlə görüşmüşdülər. Fətullayev Valideynləri ilə bu görüş haqqında da danışıb.
“Bu görüşdən sonra Eynullanın əfv olunacağına və azadlığa buraxılacağına ümidi yoxdur”, – deyə Emin Fətullayev vurğulayıb.