Sentyabrın 6-da “Gündəlik Azərbaycan” və “Realnıy Azerbaydjan” qəzetlərinin həbsdə olan baş redaktoru Eynulla Fətullayevin atası Emin Fətullayev 12 saylı Cəzaçəkmə Müəssisəsində oğlu ilə görüşüb.
Məlumatı Reportyorların Azadlıq və Təhlükəsizlik İnstitutuna (RATİ) Emin Fətullayevin özü verib.
O bildirib ki, Eynulla Fətullayevin ümumi vəziyyəti normaldır, Cəzaçəkmə Müəssisəsinin rəhbərliyinin ona münasibətindən də şikayyəti yoxdur. Amma Emin Fətullayev onu da bildirib ki, apardıqları kitablar jurnalistə verilisə də, gündəlik qəzetlər, əsasən də müxalifət və müstəqil qəzetlərin heç biri ona çatdırılmır.