“Gündəlik Azərbaycan” və Realnıy Azerbaydjan” qəzetlərinin həbsdə olan baş redaktoru, məhbus jurnalist Eynulla Fətulleyevin ailəsinə ölüm xəbəri və hədəsi ilə zəngi edilib. Bu barədə bu gün (11 aprel) Reportyorların Azadlıq və Təhlükəsizlik İnstitutuna (RATİ) jurnalistin atası Emin Fətullayev məlumat verib.
“Zəng edən şəxs bildirdi ki, bu gün və ya sabah məni və Eynullanın anasını da öldürəcəklər. Bunu deyəndən sonra dəstəyi asdı. Mən zəngdən 10 dəqiqə sonra özümə gələrək 102 xidmətinə zəng edib, bu olay barədə məlumat verdim və işin araşdırılmasını tələb etdim”, – deyə qeyd edən Emin Fətullayev bütün bu olanlarla əlaqədar Daxili İşlər Naziri Ramil Üsubovla görüşmək istədiyini də qeyd etdi.
Onu da qeyd edək ki, Eynulla Fətullayevin vəkili Anar Qasımov bu gün məhbus jurnalistlə görüşüb. Vəkil RATİ-yə bildirdi ki, naməlum şəxsin onun ailəsinə zəng edərək hədələməsi barədə ona məlumat verib. A. Qasımov məhbus jurnalistin məsələ ilə əlaqədar daxili işlər naziri Ramil Usubova müraciət ünvanladığını və bu məsələnin ətraflı araşdırılmasını istədiyini bildirdi.
Xatırladaq ki, Eynulla Fətullayev 2007-ci ildə terrorla hədələmə və digər ittihamlarla 8 il 6 ay müddətinə azadlıqdan məhrumetmə cəzasına məhkum edilib. Lakin Avropa İnsan Hüquqları Məhkəməsi isə 2010-cu il aprelin 22-də yuxarıda qeyd edilən cinayət işləri ilə bağlı qərar qəbul etmişdi. Qərarda bildirilir ki, jurnalist dərhal azadlığa buraxılmalı və Azərbaycan dövləti ona 27 min 822 avro məbləğində təzminat ödəməlidir. Ali Məhkəmənin Plenumu isə bu qərarı qismən təmin edib.
Habelə Eynulla Fətullayev 2007-ci ildə terrorla hədələmə və digər ittihamlarla 8 il 6 ay müddətinə azadlıqdan məhrumetmə cəzasına məhkum edilib. Lakin Avropa İnsan Hüquqları Məhkəməsi isə 2010-cu il aprelin 22-də yuxarıda qeyd edilən cinayət işləri ilə bağlı qərar qəbul etmişdi. Qərarda bildirilir ki, jurnalist dərhal azadlığa buraxılmalı və Azərbaycan dövləti ona 27 min 822 avro məbləğində təzminat ödəməlidir. Ali Məhkəmənin Plenumu isə bu qərarı qismən təmin edib.