Ailəsi 2 saylı cəzaçəkmə müəssisəsində cəza çəkən, “Bizim yol” qəzetinin əməkdaşı, jurnalist Müşfiq Hüseynovla görüşüb.
Bu haqda məlumatı RATİ-yə jurnalistin qohumu Cavidan Hüseynov verib. “Həftənin şənbə (29 noyabr) günü həyat yoldaşı və iki övladı Müşfiq Hüseynovla görüşüb. Onun saxlanma şəraitindən və özünə olan münasibətdən heç bir şikayəti yoxdur” – deyə C.Hüseynov bildirib.
Xatırladaq ki, Müşfiq Hüseynov Ağır Cinayətlərə Dair İşlər Üzrə Məhkəmənin hakimi Camal Ramazanovun 21 yanvar 2008-ci il tarixində çıxardığı qərarla 6 il müddətinə azadlıqdan və 2 il müddətinə isə jurnalist fəaliyyəti ilə məşğul olmaq hüququndan məhrum edilib.