“Azərbaycanda futbol telekanalının açılması ilə bağlı təhlillər aparılır”.
“Azərbaycanda futbol telekanalının açılması ilə bağlı təhlillər aparılır”. Bunu Azərbaycan Futbol Federasiyası Assosiasiyasının (AFFA) prezidenti Rövnəq Abdullayevin bir müddət bundan öncə futbol telekanalının açılacağı ilə əlaqədar söylədiyi fikri şərh edərkən assosiasiyanın baş katibi Elxan Məmmədov “extratime.az” saytına müsahibəsində deyib.
“Kanalın quruluş və forması haqqında heç nə bilmirik. Hələ ki, təhlil işləri gedir. Telekanalın yaraması birinci növbədə tamaşaçının istəyindən asılıdır. Əgər istək yoxdursa onda belə bir telekanalı yaratmağın mənası yoxdur”, – deyə vurğulayan E. Məmmədov eyni zamanda AZ TV dövlət telekanalının da özünün idman kanalını açmaq istədiyini də xatırladıb: “Biz bunu da nəzərə alacağıq. Baxacağıq ki, bu telekanalda futbola nə qədər yer veriləcək”.