DAHA BİR ƏCNƏBİ JURNALİST AZƏRBAYCANA BURAXILMADI

avqust 1st, 2011
“İsvestiya” («Известия») qəzetinin müxbiri Yuri Sneqirev Azərbaycana buraxılmayıb.  “Qafqazinfo”nun məlumatına görə, Dağlıq Qarabağa səfər edəndən sonra Bakıya gəlmək istəyən jurnalist səfərinin təəssüratları ilə bağlı “Qarabağda müharibə gözləmirlər, lakin hazırlaşırlar” adlı məqalə dərc edib.

 “Rusiyanın səsi” radiostansiyasının yaydığı məlumatında bildirilib ki, Azərbaycanın Xarici İşlər Nazirliyinin jurnalistə iradı rəsmi olaraq Xankəndinin adının məqaləsində düzgün göstərilməməsi olub.
Yeri gəlmişkən onu da qeyd edək ki, Ermənistanın işğalı altında olan qondarma Dağlıq Qarabağa rəsmi Bakının icazəsi olmadan səfər edən şəxslər, o cümlədən jurnalistlər rəsmi Bakı tərəfindən qara siyahıya salınır və belə şəxslər Azərbaycana buraxılmır.