SÖZ AZADLIĞININ MÜDAFİƏ KOMİTƏSİNİN NÖVBƏTİ TOPLANTISI KEÇİRİLİB

yanvar 22nd, 2010
Bu gün (22 yanvar) Söz Azadlığının Müdafiə Komitəsinin növbəti toplantısı keçirilib.

Toplantıda “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevə qarşı son təxribat, o cümlədən  “Azadlıq” qəzetinin həbsdə olan baş redaktoru Qənimət Zahidin, həbsdə olan bloggerlər – Emin Milli və Adnan Hacızadənin məsələsi, eyni zamanda Vətəndaş Cəmiyyətini narahat edən digər məsəllərin müzakirəsi aparılıb. Toplantı iştirakçıları problemlərin həll olunması üçün müxtəlif təkliflər irəli sürüblər. Nəticədə qərara alınıb ki, bu istiqamətlər üzrə daha effektiv və səmərəli fəaliyyət göstərmək üçün komitə çərçivəsində ciddi strukturlaşmaya ehtiyac var. Bununla bağlı yanvarın 25-də stukturlaşma məsələlərinin həll edilməsi və növbəti addımların müzakirə edilməsi üçün toplantı keçiriləcək.