ABŞ Freedom House təşkilatı dünən (04 dekabr) verdiyi bəyanatda “Azadlıq,” BBC və “Amerikanın səsi” radiolarının yayımının dayandırılması üçün Azərbaycan hökumətinin planlarını “geriyə doğru əsas addım” kimi qiymətləndirib.
“Son beş ildə Freedom House Azərbaycanda mətbuat azadlığı ilə əlaqədar narahatedici tənəzzül qeydə almışdır. Ölkənin hakimiyyət nümayəndələri mətbuat azadlığını qorumaqda özlərini dünyada ən geridə qalan səviyyədə fərqləndirmişlər” – deyə, Freedom Housun İcraçı Direktoru Jennifer Vindsor bildirmişdir. “Azərbaycan Milli Teleradio Şurasının bu təklifi ölkəni beynəlxalq ictimaiyyətdən daha da uzaqlaşdırmaq riskinə malikdir.”
“Azadlıq,” BBC və “Amerikanın səsi” radiolarının yayımının qarşısını almaq onsuz da inandırıcı, müstəqil informasiyanın olmamasından əziyyət çəkən bir mühitdə geriyə doğru nəhəng bir addım olardı,” deyə Freedom House təşkilatının Təhsil üzrə direktoru Kristofer Voker bildirmişdir. “Ölkənin davam etməkdə olan qeyri şəffaf və hesabatsız idarəetmə sisteminə görə korrupsiya genişləndikcə, Azərbaycan cəmiyyəti daha da əziyyət çəkəcək.”
Bəyanatı tam şəkildə oxumaq üçün aşağıdakı sayta müraciət edə bilərsiniz:
http://www.freedomhouse.org/template.cfm?page=70&release=736.