ZAHİD “AZADLIQ” QƏZETİ KOLLEKTİVİNİN İŞİNDƏN RAZIDIR

Bu gün (24 noyabr) həyat yoldaşı Ayəndə Mürsəliyeva 17 saylı cəzaçəkmə  müəssisəsində cəza çəkən “Azadlıq” qəzetinin baş redaktoru Qənimət Zahidlə (Zahidov) görüşüb. Ayəndə Mürsəliyevanın RATİ-yə verdiyi məlumata görə, baş redaktor özünü yaxşı hiss etdir, saxlanma şəraitindən də narazılığı  yoxdur.

 Mürsəliyeva  Zahidin mətbuatla maraqlandığını, “Azadlıq” qəzetini isə həm oxucu həm də baş redaktor kimi  oxuduğunu dedi. ”Artıq bir ildir ki, “Azadlıq” qəzeti baş redaktorun müdaxiləsi olmadan dərc olunur. Qənimət qəzetin bu dövrkü fəaliyyətindən razıdır, kollektivə də heç bir iradı yoxdur”, – deyə qeyd edən Mürsəliyeva  hazırda baş redaktorun alman və ingilis dillərini öyrənməklə məşğul olduğunu da qeyd etdi.

O, həmçinin Zahidin məhkum olunmasına səbəb olmuş cinayət işi ilə bağlı Avropa İnsan Hüquqları Məhkəməsinə göndərilən şikayət ərizəsi ilə maraqlandığını da bildirdi: “Ona bildirdim ki, yaxın 2 ay ərzində bu şikayətin icraata götürülüb-gütürülməməyi barədə bizə xəbərdarnamə göndərilməlidir”.

         Xatırladaq ki, baş redaktor xuliqanlıq və qəsdən sağlamlığa az ağır zərbə vurma ittihamları ilə 2007-ci il noyabrın 11-də həbs olunub. 2008-ci  il martın 7-də 4 il müddətinə azadlıqdan məhrumetmə ilə cəzalandırılıb.

Previous Post

FƏTULLAYEVİN VƏKİLİNİN NAZİRƏ QARŞI QALDIRDIĞI İDDİA RƏDD EDİLDİ

Next Post

SMM-İN APELLYASİYA ŞİKAYƏTİ TƏMİN EDİLMƏDİ

Leave a Reply

Your email address will not be published.

Start typing to see posts you are looking for.