Bu gün (18 mart) səhər “Azadlıq” qəzetinin baş redaktoru Qənimət Zahid Penintesiar Xidmətin Müalicə Müəssisəsindən azadlığa buraxılıb. Baş redaktor Reportyorların Azadlıq və Təhlükəsizlik İnstitutuna (RATİ) bildirib ki, müalicə olunduqdan sonra iş başına qayıdacaq.
Bununla bağlı kollektivlə məsləhətləşəndən sonra qərar verəcəyini qeyd edən Q. Zahid əgər zərurət olarsa müalicə olunmadan işə başlayacağını bildirib.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilmişdi.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilmişdi.
Qeyd edək ki, Qənimət Zahid (Zahidov) dünən (17 mart) Azərbaycan Respublikasının Prezidenti İlham Əliyevin imzaladığı sərəncamla əfv edilib.
“Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.