Dünən (28 iyul) “Azadlıq” qəzetinin baş redaktoru Qənimət Zahidovun (Zahid) həyat yoldaşı Ayəndə Mürsəliyeva 17 saylı Cəzaçəkmə Müəssisəsində (CM) baş redaktorla görüşüb.
Bu haqda RATİ-yə məlumat verən A.Mürsəliyeva Zahidovun əsasən ənənəvi revmatizm ağrılarından əziyyət çəkdiyini bildirdi: ”Dizindəki ağrılar son günlər daha da güclənib. Onun müalicəsi üçün cəzaçəkmə müəssisəsində şərait olmadığından, hələ ki, onun üçün apardığım ağrıkəsici dərmanlardan və revmatizm üçün lazım olan mazdan istifadə edir”.
Baş redaktor həyat yoldaşına əlindən alınmış əlyazmalarla bağlı keçiriləcək məhkəmədə iştirak etmək istədiyini, lakin məhkəməyə aparılmayacağını deyib: ”Əgər mənim məhkəmədə iştirakıma icazə versələr, mütləq iştirak etmək istərdim, çünki, işin detalları haqqında özüm hamıdan yaxşı bilirəm”.
Baş redaktor həyat yoldaşına əlindən alınmış əlyazmalarla bağlı keçiriləcək məhkəmədə iştirak etmək istədiyini, lakin məhkəməyə aparılmayacağını deyib: ”Əgər mənim məhkəmədə iştirakıma icazə versələr, mütləq iştirak etmək istərdim, çünki, işin detalları haqqında özüm hamıdan yaxşı bilirəm”.