Dünən (4 yanvar) Ayəndə Mürsəliyeva həyat yoldaşı, “Azadlıq” qəzetinin həbsdə olan baş redaktoru və hal-hazırda Penitensiar Xidmətin Müalicə Müəssisəsində müalicə almaqda olan Qənimət Zahidlə (Zahidov) görüşüb. Bu barədə Reportyorların Azadlıq və Təhlükəsizlik İnstitutuna (RATİ) Ayəndə Mürsəliyeva məlumat verib.
Onun sözlərinə görə, Q.Zahid dişlərinin müalicəsinə artıq başlayıb. Baş redaktor ürək və revmatizm ağrılarının olması ilə əlaqədar olaraq qan analizi verdiyini bildirib, lakin nəticə hələ də bəlli deyil.
A. Mürsəliyeva onu da bildirib ki, Q. Zahid həmkarı Eynulla Fətullayevin narkotik ittihamı ilə şərlənməsini qərəzli hesab edir.
Xatırladaq ki, beynəlxalq təşkilatlar tərəfindən Vicdan Məhbusu kimi tanınan Qənimət Zahid (Zahidov) 2007-ci ilin noyabr ayında həbs olunub. CM-nin 127.2.3 (xuliqanlıq niyyəti ilə qəsdən sağlamlığa az zərər vurma) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Qeyd edək ki, “Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.
A. Mürsəliyeva onu da bildirib ki, Q. Zahid həmkarı Eynulla Fətullayevin narkotik ittihamı ilə şərlənməsini qərəzli hesab edir.
Xatırladaq ki, beynəlxalq təşkilatlar tərəfindən Vicdan Məhbusu kimi tanınan Qənimət Zahid (Zahidov) 2007-ci ilin noyabr ayında həbs olunub. CM-nin 127.2.3 (xuliqanlıq niyyəti ilə qəsdən sağlamlığa az zərər vurma) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.
Qeyd edək ki, “Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.