Dünən (3 mart) Ayəndə Mürsəliyeva 17 saylı cəzaçəkmə müəssisəsində cəza çəkən həyat yoldaşı, “Azadlıq” qəzetinin baş redaktoru Qənimət Zahidlə (Zahidov) görüşüb.
Bu xəbəri Reportyorların Azadlıq və Təhlükəsizlik İnstitutuna (RATİ) A. Mürsəliyeva verib. Baş redaktorun saxlanma şəraitindən və ona olan münasibətdən heç bir şikayəti olmadığını bildirən A. Mürsəliyeva Q. Zahid qarşıdan gələn Novruz bayramı münasibəti ilə həbsdə olan jurnalistlərin əfv ediləcəyinə inanmadığını da bildirib: ”Bu bayramda da həbsdə olan jurnalistlərin əfv olunacağına inanmıram, ümid ancaq siyasi məhbuslarla bağlı xüsusi məruzəçinin təyinatıdır”.
Xatırladaq ki, Qənimət Zahidov Cinayət Məcəlləsinin (CM) 127.2.3 (xuliqanlıq niyyəti ilə qəsdən sağlamlığa az ağır zərər vurma) maddəsi ilə şərlənərək 3 il 6 ay, CM-nin 221-ci maddəsi ilə şərlənərək 6 ay olmaqla 4 il müddətinə azadlıqdan məhrum edilib.
Xatırladaq ki, Qənimət Zahidov Cinayət Məcəlləsinin (CM) 127.2.3 (xuliqanlıq niyyəti ilə qəsdən sağlamlığa az ağır zərər vurma) maddəsi ilə şərlənərək 3 il 6 ay, CM-nin 221-ci maddəsi ilə şərlənərək 6 ay olmaqla 4 il müddətinə azadlıqdan məhrum edilib.