Gəncə şəhər prokuroru Adil Vəliyev “Azadlıq” qəzetinin bölgə müxbiri Ərşad İbrahimliyə hədə-qorxu gəlib.
Bu barədə RATİ-yə Ə. İbrahimlinin özü məlumat verib.
Jurnalistin verdiyi məlumata görə, Gəncə şəhər prokurorunun müavini ona zəng edərək A. Vəliyevin onunla görüşmək istədiyini bildirib. Görüş zamanı şəhər prokuroru jurnalistə bölgə ilə bağlı “həqiqətə uyğun olmayan” məlumatları verməməyi tapşırıb: “Prokuror mənə dedi ki, əks təqdirdə sənin üçün yaxşı olmayacaq”.
Məsələyə Gəncə şəhər prokurorunun da münasibətini öyrənməyə cəhd etdik. Amma şənbə günü (qeyri iş günü) olduğu üçün telefon zənglərimizi cavablandıran olmadı.