Qaradağ Rayon prokuroru Tariyel Qurbanov RATİ-nin “Gündəlik Azərbaycan” və “Realniy Azerbaydjan qəzetlərinin baş redaktoru Eynulla Fətullayevin cinayət işi üzrə istintaqın gedişi ilə bağlı sorğusunu cavablandırıb.
Martın 15-də imzalanmış və RATİ-yə bu gün (19 mart) daxil olmuş məktubda bildirilir ki, E. Fətullayev barəsində Qaradağ rayon Polis İdarəsinin istintaq Şöbəsində başlanmış cinayət işi üzrə ibtidai istintaq hazırda başa çatmaq üzrədir.
Qeyd edək ki, RATİ sorğu vasitəsilə iş üzrə keçirilmiş ekspertizaların nəticələrinə dair sənədlərin surətini də istəmişdi. Məktubda həmin sənədlərin surətinin təqdim olunmasından imtina edilərək təqsirləndirilən şəxsə aid sənədlərin surətini yalnız təqsirləndirilən şəxsin özünə verildiyi bildirilir.