Dünən xəbər vermişdik ki, “Azərmətbuatyayımı” Açıq Səhmdar Cəmiyyətinin satışı üzrə investisiya müsabiqəsində “Kaspi Mətbuat Yayımı” Məhdud Məsuliyyətli Cəmiyyəti qalib gəlib.
Bununla bağlı RATİ bu gün “Qaya” Mətbuat Yayımı Şirkətinin rəhbəri Xanhüseyn Əliyevlə əlaqə saxlayıb. X.Əliyev bildirdi ki, “bu haqda söhbətlər 6 ay bundan əvvəl başlamışdı. Və mən belə görürdüm ki, bu və digər yayımlar bir adamın əlində cəmlənəcək. Və buna start verildi. Azərbaycanda hər şey inhisardadır. Bu isə yayımın inhisara alınmasıdır. Digər yayım şirkəti – “Qasid”-in də “Kaspi Mətbuat Yayımı” firması adı altında birləşdirilməsi gözlənilir”.